हडपसर विधानसभा निवडणुकीत विकास आणि एकतेचा अजेंडा - चेतन तुपे पाटील यांच्या प्रचाराला लोकांचा प्रतिसाद...

हडपसर विधानसभा निवडणुकीत विकास आणि एकतेचा अजेंडा - चेतन तुपे पाटील यांच्या प्रचाराला लोकांचा प्रतिसाद...

कोंढवा पुणे - हडपसर विधानसभा निवडणुकीत राष्ट्रवादी अजित पवार गटाचे उमेदवार चेतन तुपे पाटील यांनी विकास आणि एकतेच्या मुद्यांवर जोर दिला आहे. त्यांच्या प्रचारात जाती-धर्माच्या पलिकडे जाऊन सर्वांना एकत्र आणण्याचा संदेश देण्यात आला आहे. चेतन तुपे पाटील यांनी मतदारांना विकासाच्या आश्वासनांवर विश्वास ठेवण्याचे आवाहन केले आहे आणि जातीय तेढ निर्माण करून मत मिळवण्याच्या प्रयत्नांना विरोध केला आहे.

चेतन तुपे पाटील यांच्यासह कोंढव्यातील स्थानिक माजी नगरसेवक रईस सुंडके, गफूर पठाण, हाजी फिरोज आणि इतर कार्यकर्ते परिसरातील लोकांशी संवाद साधत आहेत. त्यांनी विकासाच्या अजेंड्यावर विश्वास ठेवत हडपसरच्या सामाजिक एकतेसाठी काम करण्याचा संकल्प व्यक्त केला आहे. तुपे पाटील यांचा भर शिक्षण, आरोग्य, वाहतूक समस्या, पाणीटंचाई, कचरा व्यवस्थापन अशा स्थानिक समस्यांवर आहे, जेणेकरून प्रत्येक नागरिकाला मूलभूत सुविधा मिळतील.

दुसरीकडे, महाविकास आघाडीचे उमेदवार प्रशांत जगताप यांच्या प्रचारात जातीय आणि धार्मिक मुद्द्यांना महत्त्व दिले जात आहे. काँग्रेसचे खासदार इम्रान प्रतापगढी आणि इतर नेत्यांनी धर्माच्या नावावर मतदारांना आकर्षित करण्याचा प्रयत्न केल्याचे त्यांच्या भाषणात दिसून आले आहे. यामध्ये हिंदू-मुस्लिम फूट पाडण्याच्या आरोपांचे वातावरण निर्माण करण्याचा प्रयत्न झाला आहे.

चेतन तुपे पाटील यांचे म्हणणे आहे की, हडपसरच्या नागरिकांना विकास आणि प्रगती हवी आहे, न की जातीय संघर्ष. त्यांच्या मते, विकासाच्या मार्गावर जाताना एकतेचा संदेश देणे हीच खरी समाजाची ताकद आहे. त्यांनी स्पष्ट केले की, "माझा अजेंडा हा विकासाचा आहे. हडपसरसाठी मी कटिबद्ध आहे, जात-धर्माच्या नावाखाली फुट पाडणे हे माझे उद्दिष्ट नाही." 

मतदारांसमोर एक पर्याय उभा आहे - एका बाजूला विकासावर काम करणारे चेतन तुपे पाटील, आणि दुसऱ्या बाजूला जातीधर्माचे राजकारण करणारे. हडपसरमधील नागरिकांना विकासावर आधारित पर्याय निवडायचा आहे, हे त्यांच्या प्रचारात स्पष्ट दिसून येत आहे.